【中華之聲】Flamenco的生命之美---記Paco Peña來廣州 -
林敏君 June
Part 1: 靈魂共鳴 生命之舞
Duende，就係唔知點解就會熱淚盈眶，唔知點解就會淚流滿面……
生命中的第一次，領悟到Flamenco Duende並唔單止係一種「表達」，更加係一種「溝通」，就在Duende所創造的空間中，一種強烈的震撼直達靈魂深處，在澎湃的共鳴之中，我真切咁遇見，靈魂……
原來，那些我所經歷過的，我曾深切體悟過的情感，埋藏在內心深處某個我自己都唔知道的角落……Cante Jondo，Flamenco Puro，how cherishing in this would！
在Paco Peña的現場，美妙的旋律，躍動的節奏都已經唔係重點，Flamencura，確實就係體驗一場《生命之舞》……
真的，Flamenco的靈魂源自生命最深刻的苦痛，而篤信生命的力量會令人在深切哀痛之後燃起生命的熱情……Cante Jondo，第一聲唱起，感覺就好似天地初開的震撼鑽進了心窩的最深處，痛苦，掙扎如同無邊的混沌……而當舞者再次拿起披肩，昂首闊步，那是一種深切苦痛洗練後的頓悟，那一刻，我仿佛看到了生命的真諦——Siguiriyas，真係第三首我就流眼淚了，>.<
【Dance like nobody’s watching. Love like you’ve never been hurt】貼在Sevilla某間小酒館牆上的呢句話，相信講的係Flamenco……曾經滄海難為水只係沒有勇氣再愛的藉口，而埋藏心底的銘刻也不怕被喚醒，放開心扉，為那首Peteneras淚流滿面，估唔到我睇兩次都會喊……當靈魂可以溝通，即使相視無言，都會聽到千言萬語，時間空間都在那一刻凝固……如果愛，請深愛……
所以，就算分離，亦係一種美麗，追憶，就好似Alhambra城頭的落日霞輝一樣溫暖……估唔到通常係獨奏的Granainas加咗歌同舞，會美得如此一塌糊塗！我的眼前仿佛模糊了，我看到掛在Palacios Nazaríes梁上的流蘇披肩在舞動，旋轉著綿長的思念……愛，猶如阿拉伯的水，默默流淌，不濺水花，不沾衣裙……而懷念，就好似無始無終的阿拉伯花紋，祈禱成一種永恆……
於是，人生需要Soleá，在獨處之中發現自己……孤獨，係一種敢於獨自面對全世界，直面真我的自由……Angel Muñoz的Soleá令我諗起三個月前的獨行西班牙之旅，一切都任憑自己把握的感覺真係好好……當可以真誠地聽從自己的內心，謙遜地看到自己的位置，鼓起勇氣接受挑戰並承擔風險，路就在腳下……所以，Angel那個令全場喝彩的小碎步圈，唔係技巧，而係莫大的自信同自由！
Flamenco確實係一門嚴肅的藝術，除咗對生命的深刻感悟，更係懷住對傳統的虔誠敬意……所以Paco Peña的獨奏彈的係致敬Ramón Motoya的Rondeña，而Martinetes則追溯早期吉普賽blacksmith的艱辛而堅韌的生活……所以歐老師唔會同我地講「返去練琴」，而係「修煉」……
真係好敬佩師公將一場咁嚴肅深沉的Flamenco奉獻在大眾眼前，我在西班牙睇咗五場Flamenco，專揀最唔商業化的Tablao睇，但感覺人哋都唔會輕易唱Cante Jondo，有，但係少……而《生命之舞》，卻以無比的熱切真誠讓我們坦誠地直面生命，深切地感悟人生的悲歡離合，靈魂共震！當師公彈出的琴音在我的心中震動，迴響時，簡直就係一種靈魂出竅的感覺！Ole！
Part 2: 自然，放鬆，生命之美
原來，我喜歡躲在鏡頭後面，去捕捉大家不為意的瞬間！我發現鏡頭下的自然，真實，無準備，好美！
去拜見師公！我的小心臟興奮到要跳出來啦哈哈哈！當遠遠咁見到師公雙手插袋、滋遊淡定咁行過來的時候，而歐sir就好激動咁走過去，我的第一反應就係衝過去影低佢地~
因為忙住影相，我居然聽唔到歐sir同師公講咗咩，師公就一隻手伸過來 : 「Very nice to meet you!」啊，幸福來得太突然啦我反應唔過來，開心到剩係識講「Hola!」。
師公真係好精靈，好可愛啊，仲同我講話而家好少人會用相機來記錄的啊，通常只係用手機就算了，嘻嘻，係啊，因為我想記錄得好點！原來，拿起相機我就會更嚴肅認真咁對待影相呢件事，更樂於去記錄大家自然美的瞬間，原來拿相機更係一種「態度」，因為我拿個傻瓜機並唔會比手機影得好幾多。唔知道師公的真正意思係咪呢個呢？
舞臺上的師公嚴肅深沉得好優雅，好謙遜，十首曲目有九首都係伴奏，即使係獨奏都唔坐在舞臺中央，而將情感的空間留給觀眾……而近距離接觸的師公，發現佢整個人都係處在一種好放鬆，好自然的狀態，笑起來就好似小朋友一樣純真，佢會見到Leona姐妹話「lovely」然後去抱抱，同我地影相都會搭只手在我地背後熱情歡迎……我感受到的係人生有了深度與闊度而後自然流露的「收放」……
而我都算係一個及格的小粉絲啦哈哈，拿張CD請師公簽名，師公 :「Of course!」咁就簽咗啦，啊，好開心啊！
不過我都係第一次做「小記者」，而且仲激動到手震，影得唔好請大家多多包涵啊~
Part 3 : 懷念的噴泉源自Córdoba
原來我去過歐sir的【懷念的噴泉】，仲去過師公舉辦Centro Flamenco的地方！就係三個月前！真係好慚愧啊我居然係今次睇演出前睇師公的網站先發現的！
懷念的噴泉就在Plaza del Potro中間，隔離果個將Flamenco介紹得好好的Centro Flamenco Fosforito就係當年師公舉辦Centro Flamenco的地方！啊，失覺曬！
所謂一方水土養一方人，育一方藝術，師公的故鄉Córdoba真係一個充滿智慧的文藝之都，Córdoba的日日夜夜美得讓人萬分記掛……
在Córdoba的羅馬長橋上，清晨，會見到一群又一群的雀鳥唱著朝陽，從東飛往西；傍晚，又會見到好多好多的雀鳥一群又一群伴著晚霞從西飛向東，大清真寺後面一片粉紅，一股莫名的感動湧上心頭……
漫步在Córdoba的猶太街區，會感受到一種自然而然的優雅，一種充滿智慧的謙和，嗯，就係好似師公咁！
我實在覺得以Córdoba為中心的Al-Andalus係西班牙歷史上最燦爛的時代，將穆斯林、猶太人、基督徒的多元文化相容並包，文化之間有了互動與借鑒而成就輝煌……而大航海之後迅速走向衰落，正係因為失去了這種包容……Córdoba大清真寺裏面有個主教堂，而今已看不到征服，卻感受到世上獨一無二的包容，讓兩個對立的世界擁抱在一起……
同樣地，Flamenco正係多民族文化融合的藝術，那首源自猶太人的Peteneras，相信在現場亦有唔少人落淚……
以前跟歐sir上課，《Paco Peña》 係高頻詞，每次上課老師都會提起……而當我真係去過Córdoba，再睇咗兩次Paco Peña的《Flamencura》，然後仲見埋師公，我越來越明白Flamenco的藝術之道確實係一種「修煉」，遠遠唔止係彈吉他，更係一種生命的信仰與生活的態度……
適逢今次大家一起為歐sir慶祝生日，願我們【和而不同】的大中華風格的Flamenco Puro在大家的互動與互相學習之中蓬勃發展！
June Lam @ GZ
Jan 8，2017
