【中華之聲】Flamenco吉他音樂原創作品心得分享 - 林敏君 June
∮Video : June Lam –《Follow the wind into the Spring of Crete》(Rumba Flamenca)
追隨春天的風
Follow the Wind into the Spring of Crete
Rumba Flamenca創作分享
天未光就醒咗，Chaian昏黃的街燈睡眼惺忪……在地圖上搵一個向東的海岸，開車過去睇日出！點知途中遇到封路，兜咗入鄉間小徑，在漆黑之中只聽到兩邊的樹沙沙響……啊！終於睇到海啦！上天眷顧，個太陽好似等埋我先出來咁！久違啦！地中海的日出！
在克裡特陽光明媚的春天裡，沿住藍寶石一樣的地中海，可能系我最放肆的一次旅行！一人一車，穿越黑暗，駛過懸崖，開進深山，單道超車要趕在迎面撞上對面來車之前，仲學當地人彎路全速感受離心的快感——而今諗落都有點後怕啊哈哈哈！感恩克裡特神山聖海對我的眷顧，讓我走過了無人跡的山路卻始終有春風相伴……
深山修道院一個人都冇，只有我望住你，你又望住我，哈哈，我發現你嘅表情同我嘅表情一模一樣啊哈哈哈！
午後，在威尼斯古堡，被一群貓圍住！簡直就系貓癡的人生巔峰！
夕陽西下，相請不如偶遇，一齊睇日落啦！
在Arkadi修道院，遇到兩位開住房車來旅行的老爺爺，佢哋同我一樣咁中意貓！修道院的大叔仲拿出自釀的酒同自製的糕點來請我哋食！
今次的功課要作一首Rumba，實在冇咩比“Spring of Crete克裡特之春”更值得譜上一曲啦！
Rumba確實好適合用來表現“在路上”的感覺，一諗起克裡特的春天，我就忍唔住心花怒放，得意忘形！然而，作曲卻比準備一次旅行要難得多，在歐sir的指引下，我改到咗第七稿，啱好系猶太人的神聖數字！
1、將和絃連起來！開始的時候我選咗歐sir俾的方案二，即系自然調的Em-D-C-B7，於是就想盡辦法從Em彈去D，再從D彈去C……但我對和絃實在太唔熟啦，心中所想同作到出來嘅好似唔系同一回事……感覺費盡九牛二虎之力先可以將四個和絃連起上來，終於可以交功課啦！歌名？就叫“功課一號”啦……
2、要符合Rumba的節奏！8拍的空間好容易作成兩個4拍，但Rumba卻系“3-3-2”的構成，於是我嘗試過用旋律的走向來遷就這個結構……而參考師公的“Herecia Latina”，又發現可以將每句的最後一個音延長為一個compas空間，咁樣就相對容易好多了~
3、Chording Compas！我想有一點旋律！好中意“Herecia Latina”的compas，可以一開始就有一種旋律感……我諗起我開住“歐洲典型”微型車，在盤山公路上180度轉彎之後幾乎冇曬動力，差點向後滑，而在一邊山壁一邊懸崖的路上，我的頭皮就一路發麻一路變硬！於是我在chording compas用咗上行的旋律，前一句用低音，後一句用高音，就好似一次又一次的爬坡！嗯！開始“上路”啦！
4、Main theme！要系自己中意嘅！Faselta系最艱難嘅，唔可以只系將和絃連起來！歐sir仲話只有Em-D-C-B7（6543）的旋律太過單調，而梁文就建議我不要局限在前面的四格上……Bi-Modal！加Am！改？我幾乎每次都系重新作！中間仲作到變咗另一首歌……但好神奇，兜完彎路之後，突然main theme的出現就在一瞬間一氣呵成！我冇理會和絃應該點樣進行，純粹讓旋律自然流淌，點知左手摸到的和絃都系啱嘅！而且第二段Faselta馬上出現！我仲好中意在第二段的第二句巧遇上師公Farruca的句子！終於有“追風”的感覺啦！Sara話好似“追住一片小樹葉去冒險”哈哈哈！可以作出一段自己中意的旋律，心中的雀躍喜悅絕不亞於在春天裡追風！——作曲，就系要滿足自己，自己中意，既系出發點，亦系目的地~
5、每次出現都有一點相同與改變！今次應該系我第一次作曲，之前嘅只可當作“亂彈”……原來一首完整的歌需要用變奏來推進！同一個句子再次出現的時候作小小改變系相對容易嘅，例如改變節奏的形態，或者用唔同的技巧工具……
6、Llamada與Paseo，段落的連結！當歐sir話我成首歌都冇一句總結的時候，我先幡然醒悟，系喔，唔記得咗要有llamada！於是又再彈翻師公的“Herecia Latina”，睇下每個段落點樣連結……原來一個段落完結要有llamada作為總結，然後通過paseo再開啟下一個段落，當我加上llamada之後，成首歌就有咗一個串連起來的線索——原來之前彈過的“A Paso Lento”正系如此！至于paseo，直接借用师公的一段paseo实在太完美啦，真系改都唔使改！于是我又参照呢段paseo的模式搞多咗一段paseo同佢呼应，又在后面再沿用Horquilio的弹法，变奏咗前面的llamada……llamada如海涛拍岸，而paseo就好似晶莹透澈的海水，最后的Horquilio就令我谂起日落后匆忙归家的晚霞，转瞬之间就沉坠在海天之际……
7、Bio-Modal全憑感覺！原來用小調可以加上自然調的“6543”，反之亦然！但點樣在Em-D-C-B7的自然調結構中加入Am-Em-B7-Em的小調和絃呢？我記得我問咗兩次，而歐sir的答覆系“自己諗”！——好啦，點樣通順點樣搞！原來Em-D-C-B7包含住“6543”，而Am-Em-B7-Em就包含住“2176”，加起來剛好完整！於是，當有咗“6543”組成的compas，“2176”組成的llamada，再加上兩段faselta，成首歌就好似有三條旋律線組成，感覺比之前豐富好多！最後，在整個創作的過程中，寫譜同錄音都非常重要，可以自己檢查翻旋律是否通順，節奏是否準確~
一段又一段的音樂，就好似今日在輝煌的落日下沉醉，聽日又迎住燦爛的陽光出發，繼續探索未走過的路！克裡特經歷過羅馬帝國、拜占庭、阿拉伯、威尼斯、奧斯曼的統治，在希臘獨立近百年後先回歸希臘，不同的宗教，不同的文明在這裡相逢……然而，歷盡滄桑後最動人嘅，依然系最古老的Minos米諾斯，人們在杯盆碗碟上畫滿可愛的圖案，用陶土做成各種公仔，中意玩“跳牛”，連身後的世界亦充滿音樂與鳥語花香……
神山有靈，天神宙斯降生於此，佢駝住公主跑過的那片大陸成了歐洲，而克裡特的春風，就如同四千年前從這裡吹向歐洲大陸的文明春風一樣，滿溢著純真，自由！——我願追隨春風，篤定前行！
記得當日在Chania等飛機的時候打開Google Map，只見北面系愛琴海、巴爾幹半島、小亞細亞，南面系埃及、北非，西面系西西里、迦太基，再西就系西班牙，而東面系塞浦路斯、黎凡特海岸，啊，仲有耶路撒冷！克裡特唔單止系愛琴文明的搖籃，更系偉大文明的交匯之地，東地中海的十字路口，可以到此一遊實在系三生有幸啊！——好開心今次可以創作出《追隨春天的風》，以後就可以彈翻來回味呢段美妙的旅程啦！
“F-harry-store”——感激不盡，系我最想對克裡特講嘅話，亦系我學到的第一句希臘語，系我抵達當晚民宿的婆婆教我講嘅，當時佢仲豎起大拇指話我的發音非常準確呢！
June
Sep 2020
